Ermənistana keçmiş azərbaycanlı azad olunub

Ermənistanda həbs edilən Turqay Mikayılov azadlığa buraxılıb.

Ölkə.az xəbər verir ki, Gürcüstan-Ermənistan sərhədini qanunsuz keçməkdə ittiham olunan Gürcüstan vətəndaşı, milliyətcə azərbaycanlı Turqay Mikayılov erməni məhkəməsinin qərarı ilə azadlığa buraxılıb.

Bu ilin iyul ayında iki ölkə sərhədini keçmiş Turqay Mikayılova məhkəmə 5 ay azadlıqdan məhrum etmişdi. Bu maddəyə görə sərhədi pozan ya 5 aydan 3 ilə qədər həbs edilir, ya da 100 min erməni dramı məbləğində cərimə ödəyir. Turqay Mikayılovun müdafiəçiləri cəriməni ödədikdən sonra o, sərbəst buraxılıb.

Turqay Mikayılovun dediyinə görə o, sərhədi pozan zaman sərxoş olub və hara getdiyini bilməyib.

Ölkə.az