Lavrov: \"PYD-ni dəstəkləməyə hazırıq\"

Rusiyanın XİN başçısı Sergey Lavrov Moskvada HDP sədri Səlahəddin Dəmirtaşı qəbul edib.

Ölkə.az xəbər verir ki, Moskvada rus-kürd iş adamları dərnəyənin açılışında iştirak edən HDP lideri Səlahəddin Dəmirtaş səfəri çərçivəsində Rusiyanın xarici işlər naziri Sergey Lavrovla görüşüb.

Suriya ilə sərhəddə vurulan rus təyyarəsinə görə çox məyus olduğunu bildirən HDP lideri rəsmi Ankaranın bu məsələdə tutduğu mövqeyi tənqid edib. İki ölkə arasındakı əlaqələrin pozulmasının hər iki ölkəyə və onun xalqına ciddi ziyan vurduğunu bildirən Dəmirtaş bu əlaqələrin bərpa edilməsinin vacibliyindən danışıb.

Lavrov öz növbəsində qeyd edib ki, Rusiya türk xalqını hədəf almayıb və Türkiyənin xalqına böyük hörmətləri var.

Görüşdə Lavrov Rusiyanın Suriyadakı kürd qruplaşması olan PYD-yə hər cür yardımı göstərməyə hazır olduğunu da vurğulayıb.

Ölkə.az