NBC: İŞİD 49 türkü Ankaranın siyasətinə təsir etmək üçün girov saxlayır

İndi isə terrorçular əsirlikdə saxladıqları daha 4 nəfər Böyük Britaniya vətəndaşını öldürəcəkləri ilə təhdid edirlər.

Ölkə.Az xəbər verir ki, NBC- nin yaydığı məlumata görə, bu mesaj Londondan çox Ankaraya ünvanlanıb. 

NBC-nin verilişindən sitat: "Bunu terrorçuların əsirliyində 49 nəfər türk vətəndaşının olması da təsdiq edir. Lakin Türkiyənin özündə bu mövzu bağlıdır və tabu olaraq qalır. İŞİD-in məqsədi isə Türkiyəni "İslam Xilafəti" ilə mübarizəyə yönəlmiş, ABŞ-ın başçılıq etdiyi beynəlxalq koalisiyaya qoşulmaqdan vaz keçirməkdir. Türkiyə güclü orduya və Suriya ilə geniş sərhədə malik olduğuna görə "İslam Dövləti" üçün böyük təhlükə mənbəyidir".

Xatırladaq ki, ötən həftə ABŞ-ın dövlət katibi Con Kerri Türkiyənin terrorla mübarizə məsələsində dəstəyini almaq üçün Ankaraya iki günlük səfər etmişdi. Səfərindən sonra rəsmi Ankaranın lazımı dəstəyini ala bilmədiyindən Kerri Türkiyəni İŞİD-dən neft alaraq bu terror təşkilatını varlandırmaqda günahlandırmışdı.