Meymunun yasını belə saxladılar

Dakaça kəndinin sakinləri ölən meymuna yas saxlamaq üçün maraqlı addıma əl atıblar.

Ölkə.Az "BBC"yə istinadən bildirir ki, yerli məbəddə yaşayan meymunun ölməsi sakinləri çox üzüb. Meymunun xatirəsinə hörmət əlaməti olaraq 200 hindli başını, 700 isə saqqalını qırxıblar. Kənd ağsaqqallarının fikrincə, məbəd meymununun ölümü çox pis əlamət hesab olunur.

Sakinlər isə bu ölümün bədbəxtçilik gətirəcəyindən ehtiyat edərək bu addıma əl atıblar.

Meymunun yas mərasimində ətraf kəndlərin də sakinləri qoşulublar və ümumillikdə 150 min rupi (2,5 min dollar) vəsait sərf olunub.

Qeyd edək ki, meymun induizmdə müqəddəs heyvan sayılır. Kənd həyatı və elm tanrısı hesab olunan meymunabənzər Hanuman əhali arasında xeyli sevilir.

Xatırladaq ki, bu son günlərdə Hindistanda baş verən yeganə qəribə hadisə deyil. Hindistanda şeytandan qorxan gözəl qız itlə ailə qurmuşdu.Toy mərasimi Jharkhand əyalətində qeydə alınıb. Mangli Munda adlı qızın ailəsin onun üzərində şeytan ruhu olduğunu deyib. 

Ailəsi tərəfindən ittihamlarla üz-üzə qalan qız bu qəribə addımı atmağa məcbur olub.

Rəşid Mustafazadə

Ölkə.Az