ABŞ parçalanır?

Texas ABŞ-ın tərkibindən çıxmaq barədə düşünür.

Ölkə.Az xarici mətbuata istinadən xəbər verir ki, Şotlandiyanın Krallığın tərkibindən çıxmaq arzusu texaslılar üçün ilham mənbəyi oldu.

Millətçi hərəkatın rəhbəri Deniel Miller hesab edir ki, Şotlandiyada 18 sentyabrda keçiriləcək referendum ABŞ-ın tərkibindən çıxmaq istəyən Texas üçün xoş işarədir.

"Əgər Şotlandiya bunu edə bilirsə, deməli Texas da edə bilər", - deyə Miller bəyan edib.

90-cı illərdən bəri Texasın ABŞ-dan ayrılması ideyası uğrunda mübarizə aparan təşkilatın sədri hesab edir ki, Texas ayrılarsa, iqtisadi potensialına görə Meksika və İspaniya kimi övlətləri geri qoyaraq dünyada 12-ci yerə çıxacaq.

Millerin sözlərinə görə, Şotlandiyadakı referendum Texas hərəkatına olan marağı daha da artırdı. Həmçinin o qeyd edir ki, Texasın bu halda NASA kimi iri federal institutlardan məhrum olması onu qətiyyən narahat etmir.

"Nəticəsindən asılı olmayaraq Şotlandiyada keçiriləcək referendum Texasda baş verənlər üçün ilham mənbəyi rolunu oynayır", - deyə Miller əlavə edib.

Xatırladaq ki, Texas ABŞ-ın n çox əhalisi olan ştatıdır. Onun əhalisi təxminən 26,448,193 nəfərdir.

Rəşid Mustafazadə

Ölkə.Az