Tornado ABŞ-da 17 can aldı

ABŞ-ın cənub-şərqində - Missisipi, Tennessi və Arkanzas ştatlarında tufan və tornado nəticəsində həlak olanların sayı 17 nəfərə çatıb. Bu barədə ABC televiziyası məlumat yayıb.

Missisipi ştatının hakimiyyət orqanları itkin düşmüş daha iki nəfərin həlak olduğunu təsdiqləyib. Beləliklə, son məlumata görə, təkcə bu ştatda təbii fəlakət on nəfərin həyatına son qoyub.

Dekabrın 24-25-də bir sutka ərzində ştat ərazisində ümumilikdə 14 tornado qeydə alınıb.

Sinoptiklər onlarla ştatın sakinlərini gözlənilən tornadolar barədə xəbərdar edib. Bu ştatların bəzilərində daşqın təhlükəsi elan olunub. (Azərtac)

Ölkə.Az