İŞİD-in başçısı ələ keçdi

Onun məhv edildiyi barədə xəbərlər yayılmışdı

Ölkə.Az xəbər verir ki, ABŞ xüsusi təyinatlıları İraqın Kərkük vilayətində İŞİD terror təşkilatının başçılarından olan Əbu Ömər Aş-Şişaninin ələ keçiriblər.

Bundan əlavə, İŞİD-in daha iki səhra komandiri saxlanılıb və 7 yaraqlı xüsusi əməliyyat nəticəsində məhv edilib. Ekstremistlərin üçü İraqın şimal-şərqdindəki Süleymaniyyə şəhərinə çatdırılıb.

Qeyd edək ki, KİV-lərdə dəfələrlə Aş-Şişaninin məhv edildiyi barədə xəbərlər yayılmışdı.

Xatırladaq ki, Çeçenistan Respublikasının başçısı Ramzan Kadırov şəxsi Instagram hesabında İŞİD terror qruplaşmasının liderlərindən biri sayılan Ömər Aş-Şişaninin öldürülməsi barədə yazıb.

"Özünü Ömər Aş-Şişani adlandıran Tarxan Batarişvili adlı İslamın düşməni öldürülüb. Rusiya və çeçen xalqını təhdid etməyi ağlına gətirən hər kəsin aqibəti bu cür olacaq. Müsəlmanların qanını tökən hər bir kəsin sonu belə olacaq", - deyə, Kadırov yazıb.

Çeçenistanlı Ömər ləqəbli Ömər Aş-Şişani oktyabrdan etibarən məşhurlaşdı. O vaxt atası ilə söhbətdə terrorçu döyüşçülərin Rusiyay girə biləcəyini demişdi.

Rəşid Mustafazadə

Ölkə.Az