Janna d`Arkın məşhur üzüyü satışa çıxarıldı

Orlean Qızının üzüyü satışda

Ölkə.Az xəbər verir ki, Böyük Britaniyada Orlean Qızı Janna d`Arkın məşhur üzüyü satışa çıxarılıb.

Üzük Britaniyanın "Timeline Auctions" hərrac evi tərəfindən satılır. Üzüyün ilin qiyməti 1-14 min funt sterlinqdir. Qeyd edək ki, Janna d`Arkın edamından sonra üzük ingilis monarx VII Henrixə keçmişdi.

Janna d'Ark Fransanın milli qəhrəmanıdır. O, Yüzillik müharibə dövründə fransız xalqının ingilislərə qarşı azadlıq mübarizəsində iştirak etmiş və mübarizlik simvoluna çevrilib. Onun Tanrı ilə birbaşa ünsiyyətdə olduğu və öncəgörücülüklə məşğul olduğu bildirilir.

Məlumata görə, Dindar Jannaya vəh gəlib və o, dofin Karlı qəti hərbi əməliyyata başlamağa ruhlandırıb, başçılıq etdiyi ordu isə mühasirədə olan Orlean şəhərini ingilislərdən azad edib. Bundan sonra xalq arasında Orlean Qızı adlandırılan Janna d`Ark 1427-ci ildə Karlı taxt-taca sahib etməyə müvəffəq olub. Ancaq çox keçmədən Orlean Qızı 1430-cu ildə ingilislərin müttəfiqi burqundlara əsir düşüb, onlar da Janna d`Arkı ingilislərə satıblar.

Bəzi mənbələrdə isə Jannaların bir yox, bir neçə şəxs olduğu qeyd olunub. Buna sübut kimi qızın yandırılmasından sonra bir neçə şəxsin özünü Janna d'Ark elan etməsidir.

Ancaq yeganə doğru və təsdiqlənmiş fakt Jannanın yandırılmasıdır. Bu haqda çoxlu sayda xroniki sənədlər mövcuddur.

Rəşid Mustafazadə

Ölkə.Az