Rumıniyanın prezidenti Moldova vətəndaşı olmaq istəyir

Ölkə.Az xəbər verir ki, Rumıniya prezidentinin mandatı noyabrın 2-də bitir və o bu vaxta qədər Moldovaya səfər etmək fikrindədir.

"Moldovaya səfərim məsələsinə gəlmişkən, deyə bilərəm ki, bu səfər hələ planlaşdırılmayıb, lakin prezident Timofti ilə bu məsələdə razılıq əldə olunacaq və mən onu həyata keçirmək niyyətindəyəm. Mən mandatımın vaxtı bitənə qədər Moldovaya vida səfəri edəcəm və özünüz də eşitdiyiniz kimi, mən Moldova respublikasının vətəndaşlığını istəyəcəm. " - deyə Trayan Besesku bildirib.

Rumıniya prezidenti hesab edir ki, bu onun haqqıdır, çünki çoxlu sayda moldovalı Rumıniya vətəndaşlığı alıb.

"Ümid edirəm ki, biz yüz minlərlə moldovalıya vətəndaşlıq verdiyimiz kimi, mən də Moldova vətəndaşlığını əldə edə biləcəm."- deyə Besesku bəyan edib.