Kerri Lavrova zəng etdi

"Donbasdakı vəziyyətə və ikitərəfli münasibətlərə dair müxtəlif məsələləri müzakirə ediblər"

Ölkə.Az Rusiya XİN-in saytına istinadən xəbər verir ki, ABŞ tərəfinin təşəbbüsü ilə ABŞ dövlət katibi Con Kerri və Rusiya XİN başçısı Sergey Lavrov arasında telefon danışığı baş tutub.

"Xarici siyasət qurumlarının rəhbərləri Suriyada münaqişənin nizamlanmasına dair məsələləri, Donbasdakı vəziyyətə və ikitərəfli münasibətlərə dair müxtəlif məsələləri müzakirə ediblər", - deyə məlumatda qeyd olunub.

Lavrov açıqlamasında qeyd edib ki, ABŞ-ın rəsmi Moskvaya qarşı sanksiya təzyiqlərinin artırmasının gələcək perspektivi yoxdur.

Xatırladaq ki, Rusiyanın XİN başçısı Sergey Lavrov Moskvada HDP sədri Səlahəddin Dəmirtaşı qəbul edib.

Lavrov öz növbəsində qeyd edib ki, Rusiya türk xalqını hədəf almayıb və Türkiyənin xalqına böyük hörmətləri var.

Ölkə.Az