İstanbul vağzalında partlayışlar oldu

Ukrayna qeydiyyat nömrəli yük maşınının yanacaq çəni partlayıb

Ölkə.Az xəbər verir ki, İstanbulun Asiya tərəfində Heydərpaşa vağzalında ardıcıl partlayışlar qeydə alınıb.

Detonasiya prosesi nəticəsində yanğın baş vediyi üçün hadisə yerində yanğınsöndürənlər və təcili yardım xidmətlərinin əməkdaşları cəlb edilib. Şahidlərin sözlərinə görə, 4-5 partlayış səsləri eşidilib. Belə ki, vağzalın ərazisində saxlanılmış Ukrayna qeydiyyat nömrəli yük maşınının yanacaq çəni partlayıb.

Maşının sürücüsü hazırda xəstəxanaya yerləşdirilib.

Xatırladaq ki, bir müddət öncə Sabiha Gökçen adına İstanbul Beynəlxalq hava limanında partlayış baş verib. Partlayış zamanı iki nəfər yaralanıb. Hadisə yerinə polis əməkdaşları gəliblər. Yoxlamalar aparılır. Partlayışın baş vermə səbəbləri hələ məlum deyil.

Rəşid Mustafazadə

Ölkə.Az