\"Avropa İttifaqı 2016-cı ildə dağılacaq\"

"Avropa İttifaqının təsisçiləri qitəyə sülh və çiçəklənmə vəd etmişdilər, ancaq yalnız ümidsizlik və tənəzzül gətirdilər".

Ölkə.Az xəbər verir bunu "The Telegraph" qəzeti yazıb.

Məqalə müəllifi hesab edir ki, 2016-cı il Aİ-nin dağılma ili olacaq və iqtisadiyyat bu məsələdə böyük rol oynayacaq. Brüsselin nikbinliyinə və vergi nəzarətinin sərtləşdirilməsinə baxmayaraq, avro ilə bağlı problemlər həll olunmur. Valyuta cəmi 0,3%-lik inkişaf göstərir. İspaniyada işsizlik 23%, Yunanıstanda isə 25% təşkil edir.

Nəşr qeyd edir ki, ağır iqtisadi vəziyyət İtaliya və Yunanısanda esktremizmə gətirib çıxarıb. Oxşar siyasi nəticələr digər ölkələrə də toxuna bilər.

Portuqaliyanın hakim sossial-demokrat partiyası antikapitalizmə doğru sərt kurs götürüb və İspaniyadakı son seçkilər onu göstərir ki, bu ölkə də həmin istiqamətə gedir.

Qeyd olunur ki, miqrasiya böhranı vəziyyəti daha da pisləşdirir və Aİ avropa sivilizasiyasını müdafiə etmək yerinə sərhədləri qaçqınlar üçün açaraq, Avropanın irsini məhv edir.

"The Telegraph"a görə, əgər vəziyyət belə davam edərsə, Aİ-nin sülh və birlik ritorikası sadəcə boş sözlər olacaq və terrorizm qurbanlarının xatirəsinə təşkil olunmuş kütləvi nümayişlər Brüsselin siyasətinə qarşı yönələ bilər.

Rəşid Mustafazadə

Ölkə.Az