Baş nazirin müavini özünü güllələdi

Rusiya baş nazirinin müavini Dmitri Roqozin tir atışı zamanı təsadüfən öz ayağına atəş açıb.

Ölkə.Az xəbər verir ki, tir atışlarının azarkeşi olan Dmitriy Roqozin bu dəfə özünü yaralayıb.

D.Roqozin ötən həftə prezidentin hökumət üzvləri ilə keçirilən görüşünə və Nazirlər Kabinetinin dekabrın 28-də baş tutan iclasına qatılmamasına aydınlıq gətirib. O, "İnterfax" agentliyinin müxbirinə bildirib ki, hadisə təlim atışı zamanı baş verib.

Agentlik xəbər verir ki, hazırda Roqozin Moskva xəstəxanalarından birindədir və həyati təhlükəsi yoxdur.

Xatırladaq ki, Dmitri Roqozin Rusiya hökumətində məhz hərbi məsələlərə nəzarət edir və ölkənin hərbi sənaye kompleksinin işindən cavabdehdir.

Ölkə.Az