Rusiya Moldovaya qarşı müharibəyə başlayır

Ölkə.Az xəbər verir ki, bu barədə The Daily Beast nəşri məlumat yayıb.

General Filipp Bridlav NATO-nun Şimali Atlantika Şurasındakı çıxışı zamanı bu fikirləri səsləndirib.

Bridlav bəyan edib ki, Rusiya Krımın ilhaqı və Ukraynanın şərqinə hərbi müdaxilədə tətbiq etdiyi ssenarini Moldovaya qarşı tətbiq edir. Generalın sözlərinə görə, "biz “yaşıl adamcıqlar”( tanınma nişanı olmayan formalı hərbçilər ) ssenarisi Krımda gördük, Şərqi Ukraynada hansı ssenarinin oynanıldığının şahidi olduq. Biz həmin ssenarini Moldova və Dnestryanı bölgədə də görməyə başlamışıq” - deyə general Bridlav bildirib.

Filipp Bridlav əlavə edərək bildirib ki, eyni vaxtda Rusiya Ukrayna sərhədlərində təlim adı altında öz qoşunlarını yerləşdirdi.

General Moldovada baş verənlərin xülasəsini vurğulayaraq qeyd edib ki, bu ilin əvvəlində Rusiya Dnestryanı bölgədə hərbi təlim keçirib. Moldova prezidenti Nikolay Timofti Rusiyanı Dnestryanı bölgənin ilhaqından çəkinməyə çağırıb.

Rusiyanın baş nazirinin müavini Dmitri Roqozin isə açıq şəkildə deyib ki, Moldovanın Avropa ilə daha sıx əməkdaşlığı Dnestryanı bölgənin itirilməsi və digər cavab tədbirlərin müşayiəti ilənəticələnəcək.

General əlavə edib ki, indi NATO-nun Rusiyanın "hibrid müharibə" taktikasından necə istifadə etdiyinə dair ümumi anlayışı var. Ona görə artıq aydınlaşdırmaq lazımdır ki, bu ssenarinin qarşısını almaq məqsədilə Şərqi Avropa ölkələrinə hansı şəkildə yardım etmək olar.

“Bu, hibrid müharibədir. Əgər belə müharibə başlasa, o zaman bu NATO-nun qarışacağı iş olmayacaq, ölkənin daxili problemi olacaq” - deyə Filipp Bridlav xəbərdarlıq edib.

Komandanın fikrincə, NATO nizamnaməyə görə üzv dövlətlər daxilində baş verən münaqişələrə qarışa bilməz, ancaq xarici düşmənin açıq hücumuna cavab verə bilər. "Əgər Kreml NATO ölkələrindən birinə, misal üçün, Baltik ölkələrindən birinə təcavüz etsə, o zaman alyans üzv ölkənin müdafiəsinə qalxacaq." - deyə Bridlav əlavə edib

“Biz sərhədyanı ölkələrdə qüvvələrin nisbətini dəqiqliklə analiz etməli və "hibrid müharibənin" başlamasına daha yaxşı formada hazırlaşmağın yolları məsələsini müzakirə etməliyik” - deyə general bildirib.