Bu gün Ozon qatının Beynəlxalq Mühafizəsi Günüdür

Nazik qaz sipəri olan ozon təbəqəsi Yer kürəsini günəşin məhvedici radiasiyasından qoruyur və bununla, planetimizdə yaşayışı mühafizə edir.

Ölkə.Az xəbər verir ki, 16 sentyabr Beynəlxalq Ozon qatının mühafizəsi günüdür. 

Yer kürəsində olan bütün canlıları ultrabənövşəyi şüalanmadan qoruyan ozon qatının qorunması problemi dünyada birinci dərəcəli problemlərdən biri olaraq qalır. 

Dünya üzrə ozon qatının müdafiəsinin devizi belədir: 

“Səmanı qoru, özünü qoru, ozon təbəqəsini qoru”. 

1994-cü ildə BMT-nin Baş Assambleyası öz qərarı ilə sentyabr ayının 16-nı “Beynəlxalq ozon təbəqəsinin mühafizəsi günü” elan etmişdi. 

İndi isə ozon təbəqəsini dağıdan maddələrə dair imzalanan Monreal protokolunun tarixə salınması məqsədilə təyin olunmuş və dövlətlərə bu tarixi Monreal protokoluna uyğun fəaliyyətlərin təbliğatına həsr etmək təklif edilmişdir. “Ozon təbəqəsinin qorunması haqqında” Vyana Konvensiyasında əks olunan və sonradan dağıdıcı xüsusiyyət daşıyan maddələrə dair Monreal protokolunda həyata keçirilən ozon təbəqəsinin qorunması beynəlxalq təşəbbüsdür. Protokolda iştirakçılar tərəfindən öhdəliyə götürülmüş müəyyən hədlər, ozondağıdıcı maddələrin istehsalı və istehlakının tamamilə dayandırılması müəyyən olunmuşdur. 

Bu gün Vyana Konvensiyasına artıq 173 dövlət qoşulmuşdur. 

Rəşid Mustafazadə

Ölkə.Az