Klinton İŞİD-i soyqırımda ittiham etdi

Klinton İŞİD-in xristianlara qarşı həyata keçirdiyi zorakılıqlara münasibət bildirib

Ölkə.Az xəbər verir ki, ABŞ prezidentliyinə namizəd Hillari Klinton İŞİD terror təşkilatının iraq yezidləri və Yaxın Şərqin digər azsaylı dini icmalarına qarşı reallaşdırdığı zorakılıq aktlarını soyqırım adlandırıb.

"Mən indi əminəm ki, bütün baş verənlərin soyqırım olduğuna dair kifayət qədər dəlillərimiz var", - deyə Klinton əlavə edib.

Xatırladaq ki, bir müddət öncə ABŞ konqresinin nümayəndələr palatasının xarici işlər üzrə komitəsinin nümayəndəsi Ed Roysun başçılığı altında 30 qanunverici Obama administrasiyasını İŞİD terror təşkilatının xristianlara və Yaxın Şərqdin digər azsaylı xalqlarına qarşı soyqırım həyata keçirdiyini tanımağa çağırıb.

Məktubun müəllifləri icra hakimiyyətini bu məsələ ilə bağlı konqreslə məsləhətləşmələr aparmağa çağırıb.

Rəşid Mustafazadə

Ölkə.Az