İsrail nə üçün Ukraynanı silahlandırmaqdan imtina etdi ?

Ölkə.Az xəbər verir ki, bu xəbəri"France-Presse" agentliyi İsrail televiziyasına istinad edərək yayıb.

Agentliyin istinad etdiyi Channel Two-nun bildirdiyinə görə, ukrayna nümayəndə heyəti əvvəl İsrailə səfər edib. Bildirilir ki, səfərin əsas məqsədi həm də İsraildən pilotsuz təyyarələri əldə etmək olub. Qeyd edək ki, bu tip təyyarələr separatçılarla mübarizəyə yönələcəkdi.

Lakin sözügedən səfərin dəqiq tarixi bilinmir.

İsrailin Müdafiə nazirliyi bu silah sövdələşməsinə razılıq versə də, xarici işlər nazirliyi əməliyyatın həyata keçirilməsinə veto qoyub. Əlavə edək ki, İsrail Aeronautics Defense Systems şirkətinin istehsalı olan pilotsuz təyyarələrin satılmasını nəzərdə tuturdu.

İsrailli diplomatların fikrincə, Rusiya buna cavab olaraq İsraillə münasibətləri gərgin olan İran və Suriyaya silah təchizatının həcmini artıra bilərdi. Bu isə İsrail üçün böyük təhlükə deməkdir.

İsrailin Müdafiə nazirliyində məlumatı şərh etməkdən imtina ediblər.