Ərdoğan kral Salmanla nədən danışdı?

Ərdoğan kral Salmanın təşkil etdiyi nahar süfrəsində qonaq olub

Xəbər verdiyimiz kimi, Türkiyə prezidenti Rəcəb Tayyib Ərdoğan Səudiyyə Ərəbistanına iki günlük rəsmi səfərə gedərək kral Salmanla görüş keçirib.

Ölkə.Az xəbər verir ki, Ərdoğan kral Salmanın təşkil etdiyi nahar süfrəsində qonaq olub.

Bağlı qapılar arxasında keçiriləcək görüşlərdə əsas müzakirə mövzusunun Suriyada davam edən vətəndaş müharibəsi olacağı ehtimal edilir.

Səfərdən öncə Ərdoğan Suriya prezidentini acımadan yüz minlərlə insanı qətlə yetirməkdə ittiham edərək, Rusiyanın Əsəd rejiminə dəstək verməsini qəti şəkildə pisləyib.

Türkiyənin xarici işlər naziri Mövlud Çavuşoğlu Riyadda həmkarı ilə jurnalistlər üçün brifinq keçirərək prezident Ərdoğanla kral Salman arasında aparılan danışıqların konstruktiv, məhsuldar və olduqca pozitiv olduğunu bildiriblər. Onlar liderlərin ilkin razılığa gəldiklərini vurğulayıblar.

Türkiyənin xarici işlər naziri hər iki ölkənin Suriya ilə bağlı mövqeyinin üst-üstə düşdüyünü xüsusi qeyd edib.

Moskva ilə pisləşən münasibətlərə də toxunan Çavuşoğlu bildirib ki, Türkiyənin heç bir ölkə ilə münasibətləri gərginləşdirmək istəmədiyini əlavə edib.

Rəşid Mustafazadə

Ölkə.Az