Misir də İŞİD-ə qarşı çıxdı

ABŞ dövlət katibi Con Kerri İraq Şam İslam Dövləti (İŞİD) adlı terrorçu qruplaşmaya qarşı koalisiyasının genişləndirilməsi məqsədi ilə Misirə səfər edib.
Con Kerri Qahirədə Misirin xarici işlər naziri Sameh Şukri ilə görüşüb. Görüşdə Misirdən İŞİD-ə qarşı mübarizə aparmaq üçün kömək istənilib. 

Görüşdən sonra keçirilən mətbuat konfransında Kerri terrorçu qruplaşma barədə danışaraq İŞİD-in gerçək islamla əlaqəsi olmadığını bildirib: 

"Cihadçı"lar islam adı ilə döyüşdüklərini deyir, lakin qrupun törətdiklərinin islamla heç bir əlaqəsi yoxdur. Qruplaşmanın nifrət mesajları bütün dünyada müsəlmanların əksəriyyəti tərəfindən rədd edilir".

Misir xarici işlər naziri İŞİD məsələsində ABŞ-a dəstək verəcəklərini bildirib. (anspress)

Ölkə.Az