"Gazprom" özbək qazının alışını artıracaq

"Gazprom" Özbəkistandan aldığı qazın həcmini 2016-cı ildə artıracaq.

Ölkə.az xəbər verir ki, bu haqda Rusiyanın "Gazprom" şirkətinin rəhbəri Aleksey Miller bildirib.

"Özbəkistan bizim ən etibarlı tərəfdaşımızdır. Biz özbək dostlarımızla əldə olunmuş razılığı yüksək qiymətləndiririk. Bu razılığa əsasən biz Özbəkistandan qaz alışını 2016-cı artıracağıq", deyə Miller bildirib.

Xatırladırıq ki, Türkmənistanın öz qazını Transxəzər marşrutu ilə Avropaya çıxarmaq qərarı Moskvanı bərk təşvişə salıb. Ona görə də Rusiya rəhbərliyi öz ərazisindən yan keçəcək bütün qaz marşrutlarına xüsusi ürək ağrısı ilə baxır. Türkmənistandan sonra Özbəkistanın da öz qazını Rusiyadan yan keçəcək marşrutla aparmasından narahat olan Moskva tələsik Daşkəndlə əlaqələri gücləndirmək qərarına gəlib.

Ölkə.az