Putinə şok - O generalı qəfil öldü
Rusiya Hərbi Kəşfiyyat Təşkilatı (GRU) Sədri İqor Sergunun 58 yaşında Moskvada dünyasını dəyişib.
Ölkə.Az xəbər verir ki, Rusiya Müdafiə Nazirliyindən verilən açıqlamada 2011-ci ildən bəri təşkilata sədrlik edən Sergunun ölüm səbəbinə dair isə hər hansı bir məlumat verilməyib.
Rusiya Prezidenti Vladimir Putin yayımladığı başsağlığında rus generalın "qəfil" ölümü səbəbilə yaxınlarına başsağlığı verib.
Təşkilat sədri İqor Sergunun adı Krımın ilhaqının ardınca açıqlanan ABŞ və AB-nin "qara siyahısında" yer alırdı.
Dekabrın sonunda isə Rusiya ordusu Hava Hücumu Qoşunları (VDV) komandiri Aleksandr Şuşkin 53 yaşında həyatını itirmişdi. Ukrayna mətbuatı Şuşkini "Krımın ilhaqı əməliyyatını idarə edən komandir" kimi təqdim edirdi.
Rus ordusunun iki yüksək səviyyəli generalının iki həftə fasilə ilə qəfil ölməsinin ardından mətbuatda müxtəlif iddialar da ortaya çıxıb.
Ölkə.Az
