Türkiyə ingilis kanalının jurnalistini azad etdi

Britaniyanın "Vice News" kanalının jurnalisti, iraqlı Məhəmməd İsmail Rəsul Türkiyədə saxlandığı həbsxanadan azad edilib.

Ölkə.az xəbər verir ki, Məhəmməd İsmail Rəsul terrorçularla əlaqəsinin olduğu haqda ittihamla 4 ay bundan əvvəl həbs olunmuşdu. Onun girov müqabilində azad edildiyi bildirilir.

Xatırladırıq ki, Məhəmməd Rəsul Türkiyənin Diyarbəkir şəhərində telekanalın daha iki əməkdaşı, müxbir Ceyk Hanraxan və operator Filip Pendlberi ilə birlikdə PKK ilə əlaqədə şübhələnilərək həbs edilmişdi. Amma müxbir və operator bir neçə gün sonra Diyarbəkir məhkəməsinin qərarı ilə ölkədən deportasiya edilmişdilər.

Ölkə.az