2015-ci ildə ən çox silah satan və alan ölkələr

Yeni yola saldığımız 2015-ci ildə dünyada ən çox silah satan və alan ölkələrin adları açıqlanıb.

Ölkə.Az-ın publika.az-a istinadən verdiyi məlumata görə, 2015-ci il ərzində dünyada bir çox siyasi və iqtisadi proseslər baş verib. Geridə qoyduğumuz il əsasən Yaxın Şərqdəki münaqişələrlə yadda qalıb.

2015-ci il ərzində ABŞ dünya dövlətlərinə təxminən 46,6 milyard dollarlıq silah satıb. Bu silahların böyük hissəsi isə Yaxın Şərq regionu dövlətlərinə satılıb.

Statistikaya nəzər salsaq, ABŞ-ın 2014-cü ildə 12,4 milyard, 2013-cü ildə 18,8 milyard dollar civarında silah satdığını görərik.

2015-ci ildə 46,5 milyard dollarlıq silah satışının həyata keçirilməsi isə dünyada münaqişə ocaqlarının çoxalması ilə əlaqələndirilir.

Səudiyyə Ərəbistanı isə ötən il ən çox silah alan ölkə kimi tarixə düşüb.

Araşdırmalara görə, əvvəlki illərdə də silah idxalına ən çox pul xərcləyən ölkələr arasında Səudiyyə Ərəbistanı, Hindistan, Çin, Birləşmiş Ərəb Əmirliklərinin adları ilk sıralarda olub.

Bundan başqa, silah idxal edən 10 ölkədən 5-nin Yaxın Şərq dövləti olduğu bildirilir.

Ölkə.Az