Obama tarixi qərarı açıqlayarkən ağladı
ABŞ prezidenti Barak Obama ölkəsində baş verən şiddət, ölüm hallarının qarşısını almaq üçün silah haqqındakı qanuna dəyişiklik edilməsini təklif edib və yeni düzəlişləri Konqresə təqdim edib.
Ölkə.az xəbər verir ki, Barak Obama hər il odlu silahlardan açılan atəş nəticəsində ABŞ-da yüzlərlə insanın öldüyünü, ölənlərin çoxunun azyaşlı uşaqlar, qadınlar və qocalar olduğunu bildirərək göz yaşları töküb. Çıxışın uşaq ölümlərinə həsr etdiyi bölməsində göz yaşlarına hakim ola bilməyən ABŞ prezidenti hönkür-hönkür ağlayıb.
Xatırladırıq ki, Obamanın təklifi ilə hazırlanmış silah satışına gətiriləcək yeni düzəlişdə, silah satışı zamanı nəzarət gücləndiriləcək. Silah satan firmalara dövlət nəzarəti gücləndiriləcək. Silah almaq istəyən şəxslər həkim və psixoloq rəyindən sonra silah ala biləcəklər.
Ekspertlər bu düzəlişlərin edilməsindən sonra Obamanın silah lobbisinin qəzəbinə tuş gələcəyini bildirirlər.
Ölkə.az
