Avstriyada HƏMAS ilə əlaqəli silah anbarı aşkar edilib

Avstriya Kəşfiyyat Xidməti Vyanada HƏMAS ilə əlaqəli olduğu iddia edilən və Avropada mümkün terror hücumları üçün nəzərdə tutulan silah anbarı aşkar edib.

"Ölkə.az" bu barədə xarici mediaya istinadla xəbər verir.

Məlumatda bildirilir ki, beş tapança və 10 daraq olan çamadanın Avstriya paytaxtında icarəyə götürülmüş bir anbarda tapıldığı bildirilir.

Avstriya Daxili İşlər Nazirliyi qeyd edib ki, bu anbarla yaxın əlaqəsi olan 39 yaşlı Britaniya vətəndaşı HƏMAS ilə əlaqəli beynəlxalq terror təşkilatı ilə bağlı genişmiqyaslı istintaqın bir hissəsi olaraq həbs edilib. Vurğulanıb ki, istintaqın hazırkı vəziyyətinə əsasən, bu hücumların hədəfləri, ehtimal ki, Avropadakı İsrail və ya yəhudi qurumları olub.

Elvin

Ölkə.az