Prezidenti zəhərləmək istəyiblər

Ölkə.Az Türkiyə mediasına istinadən xəbər verir ki, ölkənin səhiyyə naziri sensasion bəyanatla çıxış edib. 

Onun sözlərinə görə, Türkiyənin xüsusi xidmət orqanları Prezident Ərdoğanı zəhərləmək cəhdinin qarşısını alıblar. 

"Türkiyədə fəaliyyəti qadağan edilən Fəthullah Gülən hərəkatı Prezident Rəcəb Tayyib Ərdoğanı zəhərləməyi planlaşdırıbmış", deyə Türkiyənin səhiyyə naziri Mehmet Müəzzinoğlu bildirib.

O, qeyd edib ki, hərəkatın bəzi üzvləri Türkiyənin dövlət strukturlarında işə düzələ biliblər, amma xüsusi xidmət orqanlarının sayıqlığı sayəsində hərəkatın üzvləri planlarını reallaşdıra bilməyiblər.

Nazir Prezidentin həyatına sui-qəsd planlarının təfərrüatını açıqlamayıb.

Ölkə.Az