Putin Qərbi ələ saldı
Avropa Birliyinin Ukrayna böhranı ilə əlaqədar Rusiyaya yeni sanksiya paketi tətbiq etməsindən sonra ABŞ da yeni sanksiya paketini açıqlayıb.
Rusiya Xarici İşlər Nazirliyi Vaşinqtonun bu qərarını "düşmən addımı" olaraq xarakterizə edib və uyğun bir şəkildə qarşılıq veriləcəyini açıqlayıb.
Rusiya prezidenti Vladimir Putin isə rus iş adamları, millət vəkilləri və yüksək vəzifəli məmurlardan ibarət 24 nəfərin AB-yə girişinin qadağan edilməsinə münasibət bildirib.
"Siyahının tərtib edilməsi çox məmnunedicidir. Bu qərarla şirkət idarəçilərimiz və rəsmi nümayəndələrimiz daha az xaricə səyahət edəcək. Nəticədə ölkə daxilində öz işləri ilə daha çox məşğul olacaqlar. Duma millət vəkilləri də öz seçiciləri ilə daha çox görüş imkanı tapacaq",-deyə RF prezidenti söyləyib.
Putin sanksiyalara qarşı müvafiq tətbirlər görüldüyünü deyib. O bildirib ki, lazımi tədbirlərin görülməsi yerli iqtisadiyyatın canlanmasına səbəb olacaq.(anspress)
Ölkə.Az
