Türkiyə uzaq mənzilli raketlər istehsal edəcək

Türkiyə müdafiə sənayesi müstəşarı İsmail Dəmir Məclisin müdafiə komitəsinin iclasında çıxışı zamanı xaricdən uzaq mənzilli zenit-raket komplekslərinin alınması müqaviləsini ləğv etdiklərini bəyan edib.

Ölkə.az xəbər verir ki, "T-LORAMIDS -Türk uzaq mənzilli bölgə hava və raket müdafiə sistemləri" müqaviləsi milli raket sistemlərinin inkişaf etdirilməsi üçün ləğv edilib.

Məlumata görə, Türkiyənin yerli müəssisələrinə sifariş ediləcək yeni uzaq mənzilli milli raket kompleksi ABŞ-ın "Patriot" raketlərindən daha müasir və daha geniş imkanlara malik olacaq.

Ölkə.az