Böyük təhlükə: İstanbul yox ola bilər
ABŞ və Türkiyə mütəxəssislərinin apardığı araşdırmalar nəticəsində məlum olub ki, Mərmərə dənizində gözlənilən böyük zəlzələnin episentri İstanbuldan 8 km aralıda "Şahzadə Adaları seqmenti" adı verilən seysmik boşluqda olacaq.
Bu ərazidə sonuncu zəlzələ 250 il əvvəl baş verib.
Mütəxəssislərin fikrincə, Mərmərə dənizinin dərinliklərindəki bu seysmik boşluğun qərb hissəsi hər hansı bir zəlzələ yaratmadan sürüşməyə davam edir.
Ən azı 7 bal gücündə gözlənilən zəlzələnin reallaşması nə vaxt və dəqiq olaraq harada olacağı isə bilinmir.
Zəlzələlərin şərqdən qərbə doğru irəlilədiyini qeyd edən mütəxəssislər 1999-cu ildə reallaşan “Gölcük” zəlzələsindən sonra növbəti zəlzələ episentrinin İstanbul olacağını ehtimal edir.
“Gölcük” zəlzələsində minlərlə adamın öldüyü xatırladan mütəxəssislər önləmə tədbirlərinin hazırlanmasının vacib olduğunu qeyd edib.
Ölkə.Az
