Ərəb ölkələri döyüşçülərin Suriyaya girməsinə mane olacaq

Ciddədəki anti-terror toplantısının iştirakçı dövlətlərinin XİN başçıları xarici döyüşçülərin İraq və Suriyaya daxil olmasının qarşısının alınması barədə razılığa gəliblər.

Bu barədə Səudiyyə Ərəbistanı KİV məlumat yayıb.

Xatırladaq ki, dünən Səudiyyə Ərəbistanının təşəbbüsü ilə liman şəhəri Ciddədə ekstremist təşkilatlara, ilk növbədə isə İraq və Suriyada geniş əraziləri zəbt etmiş “İslam dövləri” qruplaşmalarına qarşı əks-fəaliyyət üzrə görüş geçirilb. Görüşdə 12 ölkədən 6-nın - İraq, Misir, Livan, İordaniya, ABŞ və Türkiyənin - xarici işlər nazirləri iştirak edib.  

Görüşün yekun bəyannaməsində iştirakçı dövlətlərin terrorçu təşkilatlara qarşı birgə səylərindən bəhs edilir. Sənədə imza atan dövlətlər qonşu dövlətlərin əazisindən xarici döyüşçülərin İraq və Suriyaya daxil olmasının, belə təşkilatların müsəlman dövlətləri tərəfindən maliyyələşdirilməsinin qarşısını almaq niyyətindədirlər. Onlar həmçinin İŞİD döyüşçülərinin fəaliyyətindən əziyyət çəkmiş  rayonlara humanitar yardım göndərmək və bərpa işlərinə yardım etmək də istəyirlər. Qeyd edək ki, bu sənədi Türkiyədən başqa görüşün bütün iştirakçı ölkələri imzalayıblar. (axar.az)