Vens: Ukrayna məsələsində tezliklə xoş xəbər olacaq

Ölkə.az-ın məlumatına görə, bunu vitse-prezident C.D. Vens  ABŞ-la Ukrayna arasında   növbəti danışıqlar raundunun yekunu barədə məlumat verərkən deyib.

Onun sözlərinə görə, Rusiya-Ukrayna arasında sülhün əldə edilməsində finiş xəttinə çatmasaq da, ümidlər var. 

 "Düşünürəm ki, ümid var. Növbəti həftələrdə bu cəbhədə yaxşı xəbərlər olacaq",- Vens qeyd edib.

O əlavə edib ki, Rusiya-Ukrayna münasibətləri Ağ Ev üçün daimi məyusluq mənbəyi olub.

ABŞ prezidenti Donald Tramp Ağ Evin yaxınlığında Milad ağacının yandırılması mərasimində çıxışı zamanı Rusiya-Ukrayna müharibəsinə toxunaraq deyib ki, Ukraynadakı müharibə səbəbindən on minlərlə əsgər ölür və buna son qoyulmalıdır. O əlavə edib ki, ABŞ bu məsələ üzərində işləyir: "Biz bunu dayandırmalıyıq. Bunun üzərində çox işləyirik. Rusiya və Ukrayna arasında nizamlanmanın başqa variantını axtarırıq. İnanıram ki, biz son nəticədə buna nail olacağıq".

Mürtəza