Rusiyanın dövlət bayrağı dəyişdirilə bilər
Rusiya kommunistləri Sovet Sosialist Respublikalar İttifaqının (SSRİ) qızıl bayrağının Rusiya dövlət bayrağı olmasını təklif edirlər. Bu barədə Kommunist Partiyasının lideri Maksim Suraykin keçirdiyi mətbuat konfransında açıqlama verib. Suraykin üç rəngli bayrağın ticari bir bayraq olduğunu deyib:
“Bütün məsuliyyətimlə deyirəm, üçrəngli bayraq ticari bir quruluş bayrağı kimidir. Ölkəmiz ciddi, ideoloji, marifləndirci və vətənpərvərliyi əks etdirən bayrağa sahib olmalıdır. Qızıl bayraq 5 il müddətində faşizmə qarşı mübarizədə istifadə etdiyimiz və uğrunda 10 milyonlarla insanın öldüyü zəfər bayrağıdır. Layiqli bir ölkə bayrağıdır”.
Qeyd edək ki, kommunist lider 100 000 imza toplayaraq bayraq dəyişikliyi məsələsini Dumanın gündəminə gətirəcəyini açıqlayıb. Suraykin həmçinin bunun çox asan olacağını vurğulayıb.(anspress)
