Nazarbayev Poroşenkonu Donbasla bağlı güzəştə getməyə çağırdı
Söhbət Ukrayna tərəfinin təşəbbüsü ilə baş tutub.
Qazaxıstan prezidenti Nursultan Nazarbayev Ukrayna prezidenti Pyotr Poroşenko ilə telefon söhbəti əsnasında Kiyevi Ukrayna və Rusiya arasında gərginliyi azaltmaq və mübahisənin həlli üçün qarşılıqlı güzəştə getməyə çağırıb.
Bu barədə bu gün Qazaxıstan prezidentinin mətbuat xidməti məlumat yayıb.
“İki dövlətin rəhbəri aktual məsələləri və yeni şərtlərdə ikitərəfli əməkdaşlıqda ticarətin alternativ yollarının istifadəsini müzakirə ediblər. Bununla yanaşı, Ukraynanın cənubi-şərqindəki cari vəziyyət də müzakirə edilib.
Qazaxıstan prezidenti Kiyevi Ukrayna və Rusiya arasında gərginliyi azaltmaq və mübahisənin həlli üçün kompromisə çağırıb”, - məlumatda deyilir.
Eləcə də söhbətin Ukrayna tərəfinin təşəbbüsü ilə baş tutduğu qeyd edilir. (oxu.az)
Ölkə.Az
