İran ABŞ-ın iki hərbi gəmisini saxladı

İranın sahil mühafizəsi ABŞ dəniz qüvvələrinə aid iki hərbi kateri saxlayıb.

Ölkə.az xəbər verir ki, ABŞ hərbi katerləri İranın məhəlli sularında tutulublar. ABŞ Müdafiə Nazirliyi bu faktı təsdiqləyib. Pentaqonun mətbuat katibi Piter Kukun verdiyi məlumata görə, ABŞ-a məxsus hərbi katerlər Küveytdən Bəhreynə gedirmişlər. Yaranmış texniki problemlə əlaqədar olaraq katerlər yollarını azaraq axına düşüblər və İranın ərazi sularına gəliblər.

Məlumata görə, məsələyə ABŞ dövlət katibi Con Kerri də qoşularaq iranlı həmkarı Məhəmməd Zərifə zəng edib. İran tərəfi ABŞ-ı əmin edib ki, qısa müddət ərzində katerlər heyətləri ilə birlikdə buraxılacaqlar.

Ölkə.az