Səudiyyə Ərəbistanı müstəqil neft fondu yaradır

Səudiyyə Ərəbistanı krallığı yeni müstəqil fond yaratmaq qərarına gəlib.

Ölkə.az xəbər verir ki, bu haqda məlumatlı mənbə "Reuters" agentliyinə informasiya verib.

Məlumata görə, krallıq özünün neftdən gələn gəlirlərini idarə etmək üçün və böhran vaxtı öz investisiyalarını diversifikasiya etmək üçün bu müstəqil fondu yaratmaq qərarına gəlib.

"Valyuta yatırımlarının səviyyəsini yüksək saxlamaq maliyyə mövqelərinin möhkəm olması və milli valyutanın möhkəmlənməsi üçün çox mühümdür", agentliyin mənbəyi krallıq rəhbərliyinin niyyətini belə ifadə edir.

Fondun gələcəkdə Səudiyyə Ərəbistanında emal və kimya sənayesinə böyük investisiyalar qoyacağı gözlənilir.

Xatırladırıq ki, Səudiyyə Ərəbistanı valyuta rezervlərini dollarla saxlayır və əsasən bu pul ehtiyatları ABŞ-ın iri maliyyə korporasiyaları tərəfindən dövr edilir.

Ölkə.az