Norveç üçün böyük şans: 55 milyard tonluq nəhəng xəzinə tapıldı

Ölkə.az xəbər verir ki, Norveçdə fosfat qayası rezervləri aşkar edilib. Bununla yanaşı, eyni ərazidə titan və vanadium kimi çox qiymətli metalların da olduğu bildirilir.

Fosfat gübrə istehsalı üçün əvəzedilməzdir. Həmçinin, bu minerallar günəş panelləri və elektromobillərin batareyaları kimi "yaşıl texnologiyalar" üçün kritik əhəmiyyət kəsb edir.

Hazırda bu sahədə Çin və Mərakeş liderdir. Norveçdəki bu tapıntı Avropanın digər ölkələrdən asılılığını azalda bilər.

55 milyard tonluq bu ehtiyatın iqtisadi dəyəri trilyonlarla dollarla ölçülür və bu, Norveç iqtisadiyyatı üçün "ikinci neft dövrü" kimi xarakterizə olunur.

Fosfat gübrə istehsalının əsas xammalı olduğu üçün dünya kənd təsərrüfatı üçün həyati əhəmiyyət daşıyır.

Batareya istehsalında istifadə olunan minerallar sayəsində elektrikli avtomobillərin istehsalı sürətlənə bilər.

Avropa Birliyi artıq bu cür kritik xammalları kənardan (məsələn, Çindən) almaq məcburiyyətində qalmayacaq.(milli.az)