Avstriya Şengeni dayandırdı

Avstriya sərhədyanı nəzarəti geri qaytararaq, bununla da Şengen sazişində iştirakını qismən məhdudlaşdırır.

Bu barədə Österreich qəzetinə federal kansler Verner Fayman bildirib.

“İndi bizim sərhədlərimizdə şəxsiyyəti təsdiqləyən sənəd təqdim etmək lazımdır. Avropa İttifaqı sərhədlərimizin təhlükəsizliyini təmin edə bilmirsə, o zaman Şengen sazişinin tam şəkildə icrası sual altında qalır. Bu halda hər bir ölkə öz sərhədlərinə nəzarət etməlidir”, - Avstriya hökumətinin başçısı bildirib.

Kanslerin sözlərinə görə, yanvarın 17-dən miqrantların hərəkətinə nəzarət gücləndiriləcək və sığınacaq hüququ olmayanlar ölkədən çıxarılacaq.

Qeyd edək ki, 2015-ci ildə Avropa İttifaqında qaçqın böhranı başlayıb, Yaxın Şərqdən qitəyə yüz minlərlə miqrant gəlib. (oxu.az)

Ölkə.Az