Klaus Şvab: \"Neftin qiymətlərinin düşməsi Avropanı yeni miqrant axınına məruz qoyacaq\"

Beynəlxalq İqtisadi Forumun prezidenti Klaus Şvab Avropanın miqrant problemi haqqında danışıb.

Ölkə.az xəbər verir ki, Davos forumunun təşkilatçısı dünyadakı iqtisadi böhran və miqrant problemləri haqqında danışarkən neftin qiymətlərinə diqqət çəkib.

O, Avropaya axın edən miqrantların gəldikləri ölkələrin iqtisadiyyatına diqqəti yönəldərək bildirib ki, bu ölkələrin demək olar ki, hamısının büdcəsi neftdən asılıdır.

"Baxın, görün neçə Afrika ölkəsinin iqtisadiyyatı yalnız neft ixracatından asılıdır. Neft ixrac edən ölkələrin ümumi əhalisi az qala bir milyard nəfərdir və təsəvvür edin ki bu bir milyardlıq axın şimala, Avropaya doğru hərəkət edir", deyə Şvab Forum iştirakçılarına üzünü tutaraq bildirib.

Xatırladırıq ki, İsveçrənin Davos kurort şəhərində ənənəvi beynəlxalq forum keçirilir.

Ölkə.az