Gənc oğlan çayda boğulub öldü - dostları gülərək izlədi...
Hindistanda çayda çimməyin müqəddəs hesab olunduğu hamıya məlumdur. Hər il ənənəvi olaraq sakinlər müqəddəs hesab olunan çaylarda vanna qəbul edir. Bu il də eyni ənənə təkrarlanıb. Amma tələfatsız ötüşməyib.
Ölkə.Az atv.az-a istinadən xəbər verir ki, Qərbi Benqal əyalətində baş verən hadisə ölkədə şok effekti yaradıb. Çimməyə gedən gənclərdən biri sahildən cəmi bir neçə metr məsafədə suda boğulub. Üstəlik dostlarının gözləri qarşısında.
Dəhşətlisi budur ki, boğularkən dostlarından kömək istəyən məktəbliyə heç kim yardım etməyib. Çünki gənclər həmin şəxsin zarafat etdiyini düşünüb. Əslində isə vəziyyət tam fərqli olub. Qəfil çayın dibindəki dərin çuxura düşən məktəbli, suda batmağa başlayıb. Gəncin zarafat etdiyini düşünən şəxslər , onun boğulmasını gülümsəyərək izləyib.
