ABŞ-dan İŞİD-ə daha bir zərbə

ABŞ ordusu İraqın qərbində terror qruplaması "İraq Şam İslam Dövləti"nin (İŞİD) mövqelərinə hava zərbələri endirib.

İŞİD yaraqlıları Hadita su bəndini nəzarətə götürmək üçün hücumlara başladığından ABŞ aviasiyası bu bölgədə qruplaşmanın mövqelərinə zərbələr endirib. 

Gürcüstanda səfərdə olan ABŞ müdafiə naziri Çak Heygel deyib ki, Hadita su bəndi İraq üçün mühüm əhəmiyyət daşıyır: 

"Əgər bəndə nəzarət İŞİD-in əlinə keçsə və ya bənd dağıdılsa, bunun ciddi fəsadları ola bilər. Bu, İraqı böyük risk qarşısında qoya bilər". 

Qonşu Suriyada da ordu İŞİD-in qalası adlandırılan Rakka şəhərini bombalayıb. Bombardman nəticəsində 6 mülki vətəndaş daxil olmaqla 26 nəfərin öldüyü bildirilib. (anspress)