Ermənistan cəbhə xəttində verdiyi itkiləri açıqladı
Ermənistanının müdafiə nazirliyi keçən il ölmüş əsgərləri haqda məlumat yayıb.
Ölkə.az xəbər verir ki, Ermənistan MN-in mətbuat katibi Arçrun Ovanisyan sosial şəbəkədə bu məlumatı dərc edib.
Məlumata görə 2015-ci il ərzində ermənilər 57 əsgər itiriblər. Bunlardan 38 nəfərini Azərbaycan Silahlı Qüvvələri məhv edib. 2 erməni əsgəri yol qəzasında ölüb, 2-si xəstəlikdən, 1-i digər əsgər tərəfindən öldürülüb, 6-sı intihar edib, 4-ü bədbaxt hadisədən ölüb, 3-ü silahla ehtiyatsız davranma nəticəsində, 1 nəfəri isə minaya düşərək ölüb.
Xatırladırıq ki, döyüş xəttində Azərbaycan əsgərləri tərəfindən məhv edilmiş ermənilər Ermənistanda daxili siyasi gərginliyin artmasında da böyük rol oynayırlar. Cəbhədən gələn meyidlər ermənilər hakimiyyətə qarşı qaldırır və Sarkisyandan narazılıq artır.
