Moskva

Rusiyanın paytaxtı Moskva bu gun ad gününü qeyd edir. 867 yaşı tamam olan Moskva bu bayramı karnaval və festivallarla qeyd edir.

Moskvada bayram şənlikləri Qızıl Meydan yaxınlığından hərbi orkestrin kecidi ilə başladı. Daha sonra park ve meydanlara axın edən milyonlarla insan konsert proqramları və bir-birindən maraqlı festivallarda iştirak etdi.

Moskvanın qurulmasının 867-cı ildönümü bu gün demək olar ki, paytaxtın bütün küçə ve meydanlarında qeyd olunur. Soyuq və yağışlı günlərdən sonra bu günkü günəşli hava isə paytaxt sakinləri üçün əsl bayram sürprizi oldu”.

Xüsusi ilə sovet əhvalıyla yaşayan vətəndaşlar üçün təşkil edilən retro festivalda isə hamı özünü keçən əsrin 60-ci illərindəki kimi hiss edirdi.

Moskva sakini Yuriy Straxov: “Mən çox şadam ki, bu bayram günü biz də unudulmamışıq. Burdaki rəqslər mənə gənclik illərimi xatırlatdı. 70-ci illərdə mən də belə rəqs edirdim. Çox sevindiricidir ki, müasir həyat hələ də o illərin ritmini silə bilməyib”.

İki gün davam edəcək bayram şənlikləri sabah gecə möhtəşəm atəşfəşanlıqla başa çatacaq. (ANS TV)

Ölkə.Az