50 yaşlı qadın süni intellektin səhvinə görə həbs edilib
Ölkə.Az “The Guardian”a istinadla xəbər verir ki, qeyri-adi hadisə ABŞ-nin Tennessi ştatında yaşanıb.
Belə ki, 2025-ci ilin aprel-may aylarında Şimali Dakotada bank fırıldaqçılığı işlərini araşdıran detektivlər süni intellektlə işləyən üz tanıma sistemindən istifadə edib.
Bu zaman sistem saxta vəsiqədən istifadə edərək bankdan on minlərlə dollar çıxaran qadınla 50 yaşlı Ancela Lipsi səhv salıb.
Ötən ilin iyulunda polislər şübhəli hesab etdikləri Lipsin evinə qəfil silahlı basqın edərək onu həbs edib.
Qadın bank qeydləri müstəntiqlərə təqdim edildikdən sonra Milad ərəfəsində azadlığa buraxılıb.
6 aya yaxın günahsız yerə həbsdə yatan qadın bu müddətdə xərcləri ödəyə bilmədiyinə görə evini, maşınını və itini itirdiyini bildirib.
Lips həmçinin polisin bu ciddi səhvə görə ondan üzr istəmədiyini və xərclərini qarşılamadığını deyib.
Qeyd edək ki, bu ilin əvvəlində Böyük Britaniyada oşxar hadisə baş verib. Süni intellekt səhvinə görə, bir kişini heç vaxt ziyarət etmədiyi şəhərdə oğurluq etdiyinə görə həbs edilmişdi.
Billurə
