Ankaradan çağırış: Bu oyuna aldanmayın, məqsəd İslam ölkələrini bir-birinə vuruşdurmaqdır

Ölkə.az xəbər verir ki, bunu Türkiyənin xarici işlər naziri Hakan Fidan deyib.

ABŞ və İsrailin İrana hücumlarının həm region, həm də qlobal siyasət üçün çox ciddi dağıdıcı təsirlərə malik olduğunu qeyd edən H. Fidan bidirib ki, hazırda bir nömrəli məqsədimiz müharibəni dayandırmaq və digər ölkələrə yayılmamasının qarşısını almaqdır.
 Hakan Fidan əlavə edib ki, bölgənin addım-addım İsrail tərəfindən ssenariləşdirilmiş bir oyuna cəlb olunub:

"İrana qarşı müharibə aparılarkən, təəssüf ki, İsrail ekspansionizmi vasitəsilə bölgəyə nifaq toxumu səpildiyini görürük ki, bu da bölgədəki müsəlmanların yenidən birləşməsini demək olar ki, qeyri-mümkün edəcək. İsrailin istədiyi ssenari məhz budur. Yəni, İslam ölkələrinin bölgədə bir-biri ilə uzunmüddətli münaqişəyə girməsi. Xahiş edirik bunu etməyin, bu, həm İrana, həm də digər ölkələrə məsləhətimizdir. Başqa sözlə, Türkiyə olaraq bizim bir nömrəli məqsədimiz bu nifaqın yaranmasının qarşısını almaqdır”.

Mürtəza