İranla Avropa arasında 17 milyardlıq saziş imzalandı
İran prezidenti Həsən Ruhaninin İtaliyaya rəsmi səfəri çərçivəsində ümumi dəyəri 17 milyard dollara yaxın bir sıra saziş imzalanıb.
Ölkə.Az xarici mediaya istinadən xəbər verir ki, İtaliya şirkətləri ilə razılaşmalar əsasən energetika və infrastruktur sahələrinə aiddir.
Ruhani imzalama mərasimindən sonra İtaliyanın baş naziri Matteo Rentsi ilə Kapitoliyada şam yeməyi ziyafətində iştirak edib.
H.Ruhani bu gün Vatikanda Roma Papası Fransisk ilə görüşəcək. Bundan sonra İran prezidenti Fransaya səfər edəcək. Parisdə “Airbus” şirkəti ilə 100-dən çox təyyarənin alınmasına dair sazişin imzalanacağı gözlənilir.
Qeyd edək ki, beş gün davam edəcək Avropa səfəri İranın üzərindən beynəlxalq sanksiyaların aradan qaldırılmasından sonra Qərblə əlaqələrin bərpasına yönəlib.
