Asiya bazarları yenə çökdü
Çin birjalarının indeksi yenidən düşüb.
Ölkə.az xəbər verir ki, bu gün səhər neftin qiymətlərinin düşməsindən sonra dünyanın maliyyə fond birjalarında çaxnaşma başlayıb.
Dünyanın ən böyük birjalarından olan "Shanghai Composite"nin indeksi son bir ilin aşağı səviyyəsinə enib.
Ən çox zərərə uğrayan şirkətlərin sənaye və texnologiya sahəsində fəaliyyət göstərən şirkətlər olduğu bildirilir.
Bundan əlavə Çindən kapital axınının sürətlənməsi təhlükəsi qarşısında yerli şirkətlərin birjadakı səhmləri də kəskin ucuzlaşır.
Xatırladırıq ki, 2015-ci ildə Çindən kapital axını 1 trilyon dollar təşkil edib. Bu rəqəm 2014-cü illə müqayisədə 7 dəfə çoxdur.
