Türkiyədə CHP-nin fövqəladə qurultayı keçirilir

Ankarada Türkiyənin ana müxalifəti – Cümhuriyyət Xalq Partiyasının (CHP) fövqəladə qurultayı başlayıb

Ankara Ticarət Odasının Konqres Mərkəzində təşkil olunan qurultayı 900-dən çox media mənsubu izləyir.

Qurultayda təşkilati məsələlərə baxılacaq. Sədr seçkisi və partiya Məclisinə seçki keçiriləcək. 1218 nümayəndənin səsvermə hüququ var. Sədrlik uğurunda partiyanın hazırkı lideri Kamal Kılıçdaroğlu və partiyanın nüfuzlu millət vəkillərindən olan Məhərrəm İncə mübarizə aparacaq.   

Qeyd edək ki, son prezident seçkilərində müxalifətin vahid namizədi Ekmələddin İhsanoğlunun məğlubiyyətindən sonra CHP-də bəzi millət vəkilləri partiya liderinin istefasını və fövqəladə qurultay keçirilməsini tələb ediblər. Bu çağırışları nəzərə alan K. Kılıçdaroğlu sentyabrın 5-6-da fövqəladə qurultay keçirmək barədə qərar qəbul edib./Apa/

Ölkə.Az