Prezidentin maşınını oğurladılar
Oğurluqda şübhəli bilinən 3 nəfər saxlanılıb
Keniyada oğurluq edən cinayətkar qruplar ölkə prezidentinə qədər yaxınlaşıblar.
Çərşənbə günü Keniya Respublikasının prezidenti Uhuru Kenyyattanın mühafizə avtomobillərindən biri oğurlanıb. Bu barədə “Kenya Daily nation” qəzeti xəbər yayıb.
Oğurlanan avtomobil Uqandanın Tororo şəhərində tapılıb. Prezident sözçüsü sözügedən avtomobilin oğurlanan vaxt prezidenti qoruyan avtomobil karvanı sırasında olmadığını və sadəcə bir polis əməkdaşına aid olduğunu söyləyib.
Yerli mənbələrə görə, prezidentin mühafizəsini təşkil edən avtomobil karvanında yer alan baş komissar Devid Maşui Mainanın idarə etdiyi avtomobil, komissar evə gedərkən 4 silahlı hücumçu tərəfindən oğurlanıb. Oğrular avtomobilin içərisində olan komissarı 6 saat sonra sərbəst buraxıblar.
Oğurluqla bağlı şübhəli bilinən 3 nəfər hüquq-mühafizə orqanları tərəfindən saxlanılıb./Anspress/
Ölkə.Az
