Mariupol müdafiəyə hazırlaşır
Şərqi Ukraynanın ən iri şəhərlərindən biri olan Mariupol müdafiəyə hazırlaşır.
Ölkə.az "Rosbalt" agentliyinə istinadən xəbər verir ki, şəhər əhalisi rusiyapərəst partizanların və requlyar rus ordusunun Ukraynaya yeridilmiş birliklərinin qarşısını almaq üçün şəhərin giriş və çıxış hissələrində səngər qazırlar.
Xatırladırıq ki, Ukrayna ordusunun Donbas bölgəsindəki antiterror əməliyyatları gücləndikcə separatçılar və onlara hərbi yardım göstərən rus əsgərlərinin müqaviməti də artır. Rusiyanın bu bölgəyə bir-neçə diviziya yeritməsindən sonra üstünlüyü ələ alan separatçılar artıq hüsum taktikasına keçiblər.
Mariupol Azov dənizi sahilində olduqca strateji əhəmiyyətə malik bir şəhər olduğundan Rusiya buranı tezliklə ələ keçirməyi planlaşdırır.
Ölkə.az
