Bu ölkədə turist daşıyan eşşəklərə limit tətbiq edildi
Yunanıstanda qüvvəyə minən yeni qaydalara əsasən, Santorini adasında turistlərin daşınmasında istifadə edilən eşşək və qatırların daşıya biləcəyi yük məhdudlaşdırılıb.
Ölkə.az BBC News-a istinadla xəbər verir ki, yeni tənzimləməyə görə, heyvanların daşıya biləcəyi maksimum yük təxminən 100 kiloqram və ya onların bədən çəkisinin beşdə biri qədər ola bilər.
Bundan əlavə, heyvanların kölgə və suya çıxış imkanlarının artırılması da nəzərdə tutulur. Lakin bu qaydaların praktikada necə tətbiq olunacağı ilə bağlı müzakirələr hələ də davam edir.
Heyvan haqları müdafiəçiləri isə heyvanların həddindən artıq yüklənməsi və qeyri-adekvat baxım şəraitinə diqqət çəkərək turistləri alternativ nəqliyyat vasitələrindən istifadə etməyə çağırırlar.
Həmidə İbrahimova
